Datganiad Preifatrwydd Capel Goleudy

Mae Capel Goleudy Môn wedi ymrwymo i gadw ein haelodau a’n hymwelwyr yn ddiogel ac mae hynny’n cynnwys sicrhau ein bod yn trin eich data personol yn gywir yn ein cronfa ddata ac mewn unrhyw ffurf arall.

Os oes gennych unrhyw gwestiynau neu broblemau ynglŷn â sut rydym yn defnyddio eich data personol, cysylltwch ag Alan ar alan@capelgoleudymon.org.

SUT RYDYM YN DEFNYDDIO EICH DATA:

Os nad ydych yn aelod ond eich bod yn mynychu digwyddiad yn unig, dim ond wrth redeg y digwyddiad hwnnw y byddwn yn defnyddio'ch data.

Os ydych yn aelod o Capel Goleudy, y ffyrdd rydym yn defnyddio eich data personol yw:

Am redeg ein digwyddiadau, prosiectau a chynulliadau.

Am gysylltu â chi am newyddion pwysig y Goleudy a digwyddiadau sydd i ddod (ac eithrio lle rydych wedi dweud wrthym am beidio).

Ar gyfer rheoli rhoi a Chymorth Rhodd (lle rydych chi wedi dewis ei hawlio).

Am luniau a chyhoeddusrwydd o'n digwyddiadau.

Am eich gofal bugeiliol fel aelod o deulu ein heglwys.

Rydym yn defnyddio'r mwyafrif o'r data hwn allan o'n diddordeb cyfreithlon mewn rhedeg eglwys weithredol yr ydych am fod yn rhan ohoni.

Er bod rhywfaint o ddata yr ydym yn ei gadw ac sydd angen caniatâd i'w ddefnyddio:

Cyfryngau sy'n eich adnabod chi fel Cristion neu fel un sy'n perthyn i unrhyw grefydd arall.

Gwybodaeth am iechyd meddwl neu gorfforol plant (dan 16 oed).

PREIFATRWYDD

Ni fyddwn yn rhannu eich data personol ag unrhyw un y tu allan i dîm Capel Goleudy heb ofyn i chi yn gyntaf (oni bai ei bod yn ofynnol i ni ei rannu yn ôl y gyfraith).

Rydym hefyd yn cymryd gofal i gadw mynediad at eich data yn ddiogel ac yn gyfyngedig, er mwyn lleihau'r siawns y bydd rhywun y tu allan i dîm y Goleudy yn ei weld.

AM FAINT YR YDYM YN CADW EICH DATA:

Os ydych yn aelod ac yn penderfynu gadael Capel Goleudy byddwn yn dileu eich gwybodaeth bersonol o fewn tri mis i chi adael, ond os ydych am ei ddileu yn gynt yna cysylltwch â ni.

Os ydych yn ymwelydd mewn digwyddiad Goleudy yna bydd y data a ddarparwyd gennych yn cael ei ddileu o'n cronfa ddata flwyddyn ar ôl y digwyddiad. Mae hyn er mwyn i ni allu cynllunio digwyddiadau yn y dyfodol yn well. Ond eto, rhowch wybod i ni os ydych chi am i'r wybodaeth honno gael ei dileu yn gynt.

EICH HAWLIAU YNGHYLCH DATA:

(Rhieni nodwch fod gennych chi hefyd yr hawliau hyn dros ddata eich plant os ydyn nhw o dan 16 oed)

Mae gennych hawl i wybod sut y caiff eich data ei storio a'i ddefnyddio. Os hoffech fwy o wybodaeth nag yr ydym wedi ei rhoi i chi yma, cysylltwch â ni.

Mae gennych hawl i weld y data personol sydd gennym amdanoch. Os oes gennych chi gyfrif My ChurchSuite mae hwn i'w weld ar broffil eich cyfrif. Fel arall, rhowch wybod i ni a byddwn yn hapus i ddarparu copi diogel o'ch gwybodaeth eich hun i chi.

Mae gennych yr hawl i ddiweddaru a chywiro unrhyw ddata sydd gennym amdanoch. Eto gellir gwneud hyn naill ai drwy eich cyfrif My ChurchSuite neu drwy gysylltu â ni yma yn y swyddfa.

Mae gennych yr hawl i gael gwared ar rywfaint o’ch data neu’ch data i gyd o’n systemau, a gallwch wneud hynny naill ai â llaw drwy My ChurchSuite neu drwy gysylltu â ni’n uniongyrchol.

Mae gennych yr hawl i gyfyngu ar sut rydym yn defnyddio eich data. Gallwch olygu eich dewisiadau cyswllt drwy My ChurchSuite. Ond os ydych am wneud unrhyw gyfyngiadau eraill cysylltwch â ni.

Mae gennych yr hawl i gael eich data mewn fformat sy'n gadael i chi ei symud i system newydd. Cysylltwch â'r swyddfa a gallwn ddarparu eich data personol ar ffurf taenlen.

Mae gennych yr hawl i wrthwynebu i Capel Goleudy brosesu eich data personol. Gellir gwneud hyn trwy opsiwn “Hawl i Gael eich Anghofio” My ChurchSuite neu drwy gysylltu â ni’n uniongyrchol.

Ac yn olaf mae gennych chi hefyd yr hawl i gyflwyno cwyn i Swyddfa’r Comisiynydd Gwybodaeth os ydych chi’n meddwl ein bod ni wedi gwneud rhywbeth o’i le gyda’ch data personol.

Os oes gennych unrhyw gwestiynau neu bryderon ynghylch sut mae Goleudy’n prosesu eich data personol yna cysylltwch ag Alan Radbourne ar alan@capelgoleudymon.org.

Yn ogystal gallwch weld set lawn o Drefniadau Diogelu Data Capel Goleudy yma.